ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% |

រាជរដ្ឋាភិបាលប្រកាសប្រែក្លាយខេត្តកំពង់ឆ្នាំងទៅជាទីតាំងសកម្មភាពសេដ្ឋកិច្ច

  • ចុះផ្សាយថ្ងៃទី២២ ខែវិច្ឆិកា ឆ្នាំ២០២៣ ម៉ោង ០៩:៥០ នាទី ដោយ Sao SokEng
  • 1900
  Aa |   aA

ភ្នំពេញ៖ នាយករដ្ឋមន្ត្រីកម្ពុជា សម្តេចមហាបវរធិបតី ហ៊ុន ម៉ាណែត បានប្រកាសប្រែក្លាយខេត្តកំពង់ឆ្នាំងទៅជាទីតាំងសកម្មភាពសេដ្ឋកិច្ច តាមរយៈការបង្កើតនូវតំបន់សេដ្ឋកិច្ចពិសេស។ សម្តេចធិបតីបានបញ្ជាក់បែបនេះក្រោយពីកំណាត់ផ្លូវជាតិលេខ៥ បានដាក់ឱ្យសម្ពោធជាផ្លូវការនាព្រឹកថ្ងៃពុធនេះ។

សម្តេចធិបតី បានថ្លែងថា៖ «ផ្លូវជាតិលេខ៥ នេះគឺសំខាន់ ផ្លូវនេះគឺជួយចិញ្ចឹមសរសៃឈាមមួយ វាមិនមែនចិញ្ចឹមពីតែបាតដៃមកបេះដូង គឺនៅតាមផ្លូវនោះគឺអវៈយវៈយើងគឺរស់ទាំងអស់ គឺតាមនៅខេត្តនេះគឺរីកចម្រើន»។

បើតាមសម្តេចធិបតី រាជរដ្ឋាភិបាលនឹងកសាងហេដ្ឋារចនាសម្ព័ន្ធផ្សេងៗទៀត ដូចជាផ្លូវទឹក ផ្លូវគោក និងផ្លូវដែក។ ជាមួយនឹងបន្តពង្រីកផ្លូវជាតិពីស្គន់ទៅកំពង់ចាមបន្ថែមទៀត និងផ្លូវពីខេត្តកំពត ទៅខេត្តព្រះសីហនុក៏កំពុងតែពង្រីកបន្ថែមផងដែរ។

សម្តេចធិបតី បានថ្លែងបែបនេះនៅក្នុងពិធីសម្ពោធបើកឱ្យប្រើប្រាស់ជាផ្លូវការ «កំណាត់ផ្លូវជាតិលេខ៥ ចាប់ពីព្រែកក្តាម ទៅដល់បាត់ដំបង ប្រវែងសរុប ២៤៦,១៥គីឡូម៉ែត្រ» និងបើកការដ្ឋានសាងសង់ «កំណាត់ផ្លូវជាតិលេខ៥ ចាប់ពីសិរីសោភ័ណ្ឌ ទៅដល់ប៉ោយប៉ែត ប្រវែងសរុប ៣៥,១៤គីឡូម៉ែត្រ» ក្រោមជំនួយឥណទានពីរដ្ឋាភិបាលជប៉ុន នាព្រឹកថ្ងៃទី២២ ខែវិច្ឆិកា ឆ្នាំ២០២៣៕


ព័ត៌មានជាច្រើនទៀតសម្រាប់អ្នក